Yeni Azərbaycan Partiyasının təsis edilməsindən 32 il ötür
Naftalanda Yeni Azərbaycan Partiyasının (YAP) təsis edilməsinin 32-ci ildönümünə həsr olunmuş tədbir keçirilib.
Öncə tədbir iştirakçıları Ulu Öndər Heydər Əliyevin abidəsini ziyarət edib, əziz xatirəsini ehtiramla yad ediblər.
Tədbirdə Ulu Öndər Heydər Əliyevin və torpaqlarımızın azadlığı uğrunda canlarından keçən şəhidlərimizin xatirəsi bir dəqiqəlik sükutla yad edilib.
ŞİH-nin başçısı Vüqar Novruzov, YAP Naftalan şəhər təşkilatının sədri və şəhər ziyalısı təşkilat üzvlərini tarixi gün münasibəti ilə təbrik edib, onlara fəaliyyətlərində uğurlar arzulayıblar. Yeni Azərbaycan Partiyasının yaradılmasının tarixi əhəmiyyətindən, müstəqil dövlətimizin qurulmasında, inkişafında və möhkəmlənməsində Ümummilli Lider Heydər Əliyevin müstəsna xidmətlərindən danışılıb. Qeyd edilib ki, Ümummilli Liderin ideyaları əsasında uğurla fəaliyyət göstərən partiya, bu gün Azərbaycan Respublikasının Prezidenti cənab İlham Əliyevin rəhbərliyi ilə yeni uğurlara imza atır. Yeni Azərbaycan Partiyasının ötən illər ərzində siyasi sabitliyin və davamlı inkişafın təminatçısı kimi çıxış edərək ölkəmizin qazandığı uğurların fəal iştirakçısı olduğu bildirilib.
Təşkilatın ictimai-siyasi həyatında fərqlənən bir qrup partiya üzvünə fəxri fərmanlar, eləcə də partiya sıralarına yeni qəbul olunmuş şəxslərə üzvlük vəsiqələri təqdim edilib, xatirə şəkli çəkdirilmişdir.
