Turizm şəhəri günü-gündən abadlaşır
Mütəmadi olaraq Naftalan şəhərində abadlıq-quruculuq işləri genişlənir. Yol-nəqliyyat infrastrukturu yaxşılaşdırılır, yeni yaşıllıq zolaqları salınır, mövcud park, küçə və prospektlər abadlaşdırılır.
Mövsümə uyğun olaraq parklarda, yol kənarlarında müxtəlif növ ağac və gül kolları əkilir. Ətraf mühitin qorunması və ekoloji vəziyyətin daha da yaxşılaşdırılması məqsədilə şəhər ərazisində mövcud yaşıllıqlara xüsusi diqqət göstərilir. Həmçinin, bir sıra çoxmənzilli yaşayış binalarının ərazisində yeni zibil məntəqələri quraşdırılıb.
Şəhərin avtomobil yollarının yararsız hala düşmüş hissləri yenidən asfaltlanır. Yol kənarları boyunca köhnəlmiş, yararsız bardürlər yeniləri ilə əvəzlənib, parklarda oturacaqlar təmir olunub.
Turizm şəhərinin təmizliyi və abadlığı daim diqqət mərkəzində saxlanılır.
