Su ehtiyatlarından səmərəli istifadə mövzusunda maarifləndirici tədbir keçirilib
“Su ehtiyatlarından səmərəli istifadənin təmin edilməsi sahəsində görülən işlər barədə ictimaiyətin məlumatlandırılması”, “Su təminatının yaxşılaşdırılması sahəsində təkliflərin verilməsi”, “Alternativ su mənbələrindən istifadə praktikasının genişləndirilməsi” məsələlərini əhatə edən tədbirdə şəhər İcra Hakimiyyəti başçısı aparatının əməkdaşları, Naftalan Sukanal Sahəsinin nümayəndələri, şəhər və kənd inzibati ərazi dairəsi üzrə nümayəndələr, bələdiyyələr, aidiyyəti idarə və müəssisə rəhbərləri, fermerlər, kənd təsərrüfatı sektorunda fəaliyyət göstərən sahibkarlar iştirak etmişlər.
Şəhər icra hakimiyyəti başçısı aparatının məsul əməkdaşı Suliddin Məmmədov, Naftalan Sukanal Sahəsinin rəisi İlqar Aslanov, Naftalan şəhər İcra Hakimiyyəti Başçısının 1 nömrəli sahə inzibati ərazi dairəsi üzrə nümayəndəsi Tural Məmmədov mövzu ətrafında çıxışlar etmişlər.
Çıxış edənlər tərəfindən son dövrlərdə iqlim dəyişikliyi səbəbindən, havaların quraq keçməsi ilə çaylarda, yeraltı mənbələrdə suyun həcminin azalmasına görə əkin torpaqlarının suvarılmasında müəyyən çətinliklər yaratdığını və belə halların qarşısının alınması üçün yerlərdə mövcud su ehtiyatlarından məişətdə və kənd təsərrüfatında səmərəli, qənaətli istifadənin təmin edilməsinin vacibliyini vurğulayıblar, ənənəvi suvarma sistemlərinin yeni və müasir intensiv suvarma sistemləri ilə əvəz olunması istiqamətində işlərin görülməsi üçün tövsiyələr verilmiş, təkliflər səsləndirilmiş, eyni zamanda təxirəsalınmaz tədbirlərin görülməsinin zəruriliyi tədbir iştirakçılarının diqqətinə çatdırılmış, suallar cavablandırılmışdır.
