Şəhid Fərid Adıgözəlovun xatirəsi anılıb
Vətən müharibəsində şəhidlik zirvəsinə ucalan Fərid Adıgözəlovun 3-cü ildönümü ilə bağlı anım tədbiri keçirilib.
Naftalan ŞİH başçısı, Şəhidin ailə üzvləri, şəhərin hüquq mühafizə orqanlarının rəhbərləri, Şəhər Ağsaqqallar Şurasının sədri, Şəhidin məzarını ziyarət edərək önünə gül dəstələri düzüb xatirəsini ehtiramla yad ediblər. İcra Hakimiyyətinin başçısı Müzəffər Ali Baş Komandan cənab İlham Əliyevin rəhbərliyi ilə Azərbaycan Ordusunun qüdrətindən söz açıb, tarixi Qələbənin əldə olunmasında canından keçən bütün qəhrəman oğullarımızın xatirəsinin əbədi yaşayacağını bildirib.
Şəhidin ailə üzvləri bütün şəhid ailələri kimi onlara da göstərilən diqqət və qayğıya görə, ölkə başçısına minnətdarlıqlarını ifadə ediblər.
Möhtərəm Prezidentimiz cənab İlham Əliyevin müvafiq Sərəncamlarına əsasən, Adıgözəlov Fərid İlqar oğlu (ölümündən sonra) “Vətən Uğrunda”, "Cəsur döyüşçü", "Suqovuşanın azad olunmasına görə" medalları ilə təltif olunub.
