Şəhid Bəhruz Quliyevin xatirəsi anılıb
2020-ci il sentyabrın 27-də Ermənistan silahlı qüvvələrinin cəbhəboyu genişmiqyaslı təxribat törətməsinə cavab olaraq Azərbaycan Ordusu əks-hücum əməliyyatına başladı. Ölkəmizin ərazi bütövlüyü uğrunda gedən döyüşlərdə Quliyev Bəhruz Firuz oğlu qəhrəmancasına şəhid olub.
Şəhidi Bəhruz Quliyevin anım günü ilə əlaqədar olaraq Naftalan ŞİH-nin başçısı, ŞPŞ-nin rəisi, Şəhər Ağsaqqallar Şurasının sədri, ailə üzvləri şəhidin məzarını ziyarət edib, önunə gül dəstələri düzüb xatirəsini ehtiramla anıblar. Şəhidin ailə üzvləri bütün şəhid ailələri kimi onlara da göstərilən diqqət və qayğıya görə, ölkə başçısına dərin minnətdarlıqlarını ifadə ediblər.
Azərbaycanın ərazi bütövlüyünün təmin edilməsi uğrunda gedən döyüşlər zamanı vəzifə borcunu şərəflə yerinə yetirdiyi üçün Möhtərəm Prezidentimiz cənab İlham Əliyevin müvafiq Sərəncamlarına əsasən, Quliyev Bəhruz Firuz oğlu (ölümündən sonra) “Vətən uğrunda”, “Laçının azad olunmasına görə” və “Suqovuşanın azad olunmasına görə” medalları ilə təltif olunub.
