“PAŞA Sığorta”nın əməkdaşları Naftalanda
Naftalan ŞİH-nin başçısı Vüqar Novruzov “PAŞA Sığorta” ASC-nin nümayəndələri, Vüqar Məmmədovu və Aqil Yaqubovu qəbul edib.
İcra başçısı şəhər ərazisində hüquqi və fiziki şəxslərə məxsus tikililərin, yaşayış və qeyri-yaşayış sahələrinin, mənzillərin icbari qaydada sığortalanmasının vacibliyini vurğulamış, şəhərdə mütəmadi olaraq maarifləndirici tədbirlərin keçirilməsinin əhəmiyyətini qeyd etmişdir.
ASC-nin satış üzrə nümayəndəliyinin rəhbəri Vüqar Məmmədov “PAŞA Sığorta”nın fəaliyyəti, sığorta güzəştləri, perspektiv planlar barədə şəhər rəhbərinə məlumat verib. O cümlədən daşınmaz əmlakın yanğın və ya digər hadisələr nəticəsində zədələnməsi, məhv olması, yaxud hər hansı formada itkisi ilə bağlı dəyən zərərin əvəzinin ödənilməsinə təminatın verilməsini qeyd etmişdir.
