Növbəti səyyar qəbul keçirilib
Dövlət başçısının müvafiq tapşırıq və tövsiyələrinə əsasən, əhalinin müraciətlərinin yerlərdə dinlənilməsi və həlli məqsədilə Şəhər İcra Hakimiyyətinin başçısı tərəfindən 2025-ci il ərzində keçirilməsi nəzərdə tutulan səyyar qəbul qrafikinə əsasən şəhərin bir sıra çoxmənzilli yaşayış binalarının sakinləri ilə növbəti səyyar görüş keçirilib.
Görüşdə ŞİH-nin məsul əməkdaşları, şəhərdə fəaliyyət göstərən xidmət təşkilatlarının rəhbərləri və ictimaiyyət nümayəndələri iştirak ediblər.
Müraciətlərdə qaldırılan məsələlərin bir qismi yerində həll olunub, icrası vaxt və araşdırma tələb edən məsələlərlə bağlı aidiyyəti qurumların rəhbərlərinə müvafiq tapşırıqlar verilərək icrası nəzarətə götürülüb.
Qəbulda iştirak edən vətəndaşlar müraciətlərinə həssaslıqla yanaşılmasından məmnunluqlarını bildirərək, yaradılan şəraitə görə möhtərəm Prezidentimiz cənab İlham Əliyevə minnətdarlıqlarını ifadə ediblər.
