Naftalanda növbəti səyyar qəbul keçirilib
Naftalan Şəhər İcra Hakimiyyətinin başçısı Vüqar Novruzov qəbul qrafikə uyğun olaraq şəhərin Qurban Namazəliyev adına yaşayış məhəlləsinin sakinləri ilə səyyar qəbul keçirdi. Görüşdə Şəhər İcra Hakimiyyəti Başçısı aparatının məsul işçiləri, şəhər Polis Şöbəsinin rəisi, xidmət təşkilatlarının rəhbərləri və Qurban Namazəliyev adına yaşayış məhəlləsinin sakinləri iştirak ediblər.
İcra başçısı qəbula gələn vətəndaşları fərdi qaydada dinləyərək onların səsləndirdikləri məsələlərin qısa zamanda həll edilməsi istiqamətində müvafiq tapşırıqlar verib.
Sakinlər onlara göstərilən diqqət və qayğıya həmçinin problemlərinə həssaslıqla yanaşıldığına görə Azərbaycan Respublikasının Prezidenti, Müzəffər Ali Baş Komandan Cənab İlham Əliyevə və Birinci Vitse Prezident hörmətli Mehriban xanım Əliyevaya minnətdarlıqlarını ifadə etdilər.
