Naftalan ŞİH müasir “Situativ Mərkəz” haqqında təqdimata dair videokonfransda iştirak edib
Azərbaycan Respublikası İqtisadiyyat Nazirliyinin təşkilatçılığı ilə Özbəkistanın paytaxtı Daşkənd şəhərində fəaliyyət göstərən “Situativ Mərkəz”in fəaliyyəti haqqında təqdimata dair videokonfrans təşkil olunub.
Videokonfransda İqtisadiyyat Nazirliyininin tabeliyində Dördüncü Sənaye İnqilabının Təhlili və Koordinasiya Mərkəzinin icraçı direktoru Tamerlan Tağıyev, Naftalan Şəhər İcra Hakimiyyətinin başçısı Vüqar Novruzov, Şəki Rayon İcra Hakimiyyətinin başçısı Elxan Usubov, ŞİH-nin məsul əməkdaşları həmçinin Özbəkistan tərəfini təmsil edən mütəxəsislər iştirak ediblər.
Videokonfransın keçirilməsində məqsəd pilot layihə kimi bu cür mərkəzlərin Naftalan və Şəki şəhərində yaradılması imkanlarının müəyyən edilməsidir.
Videokonfrans diskussiya şəraitində keçib, iştirakçıları maraqlandıran suallar cavablandırılıb. Görüş, sistemin daha ətraflı müzakirəsi üçün Daşkenddə üz-üzə keçirilməsi təklifi ilə sona çatdı.
Qeyd edək ki, Daşkənd şəhərində fəaliyyət göstərən “Situativ Mərkəz” müasir texnologiyalar əsasında yaradılıb və geniş imkanlara malikdir. Mərkəz real vaxt rejimində monitorinq aparmağa və insidentlərə operativ reaksiya verməyə, şəhərin inkişafı üçün təhlil və qərarların qəbulunu sürətləndirməyə imkan verir.
