Naftalan parklarında sosial layihə
Möhtərəm Prezidentimiz cənab İlham Əliyevin daim diqqət və qayğısı ilə əhatə olunan beynəlxalq turizm mərkəzi olan Naftalan bu gün özünün yeni inkişaf dövrünü yaşayır. Naftalan kurort şəhərinin müasirləşməsi və turistlərin rahatlığının təmin edilməsi istiqamətində işlər daim davam etdirilir. 2022-ci ildə Naftalan Şəhər İcra Hakimiyyəti tərəfindən həm şəhər sakinlərinin, həm də yerli və xarici turistlərin məmnunluğunu artırmaq üçün şəhərin bütün parklarında limitsiz və sürətli optik Wi-Fi ötürücülər quraşdırılaraq istifadəyə verilib.
Belə ki, Naftalan Şəhər İcra Hakimiyyəti tərəfindən şəhərdə turizmin inkişafı istiqamətində aparılan işlər çərçivəsində şəhər parklarının yüksəksürətli internetlə təminatı üçün ENGİNET BİRLink şirkəti cəlb olunub. Şirkət şəhər İcra Hakimiyyətinin təşəbbüsünə qoşularaq şəhərin parklarının yüksəksürətli və ödənişsiz optik internet xidməti ilə təchiz olunmasına dəstək olub.
