Cüdo üzrə ikiqat paralimpiya çempionu, qazi İlham Zəkiyev Naftalanda olub
İkiqat Paralimpiya oyunları, ikiqat dünya və səkkizqat Avropa çempionu İlham Zəkiyev və məşqçi-müəllimi Azad Zahidov Naftalan şəhərinin gənc cüdoçuları ilə görüş keçirib. Paralimpiyaçımız iştirak etdiyi yarışlardan maraqlı xatirələrini və əldə etdiyi uğurları iştirakçılarla bölüşüb, gənc cüdoçuları maraqlandıran sualları cavablandırıb.
Naftalan şəhər İcra Hakimiyyətinin başçısı Vüqar Novruzov İlham Zəkiyevlə görüşüb. Görüş zamanı şəhər rəhbəri vurğulayıb ki, Möhtərəm Prezidentimiz cənab İlham Əliyevin idmana göstərdiyi diqqət və qayğı nəticəsində ölkəmizin hər yerində olduğu kimi Naftalnda da cüdoya və idmana böyük maraq var, hər sahədə olduğu kimi idmanda da böyük uğurlara sahib oluruq. İlham Zəkilyev Naftalanlı gənclərin cüdo idman növündə olan kütləvi marağı xüsusi qeyd edərək məmnunluğunu bildirib.
Həmçinin Naftalan nefti və Naftalanın turizm potensialı haqqında reportaj hazırlamaq üçün beynəlxalq turizm mərkəzi olan Naftalan şəhərində qonaq olan Türkiyənin NTV kanalının aparıcısı Esra Gezgincidə görüşdə iştirak edib.
