Ali məktəbə yüksək balla qəbul olan məzunlarla görüş keçirilib
Naftalan Şəhər İcra Hakimiyyətinin təşkilatçılığı ilə ali məktəbə yüksək balla qəbul olan məzunlarla görüş keçirilib.
Tədbirdə ŞİH-nin başçısı, ŞPŞ-nin rəisi, ali tədris müəssisələrinə yüksək balla qəbul olan məzunlar iştirak edib.
Öncə Ümummilli Lider Heydər Əliyevin abidəsi ziyarət edilərək xatirəsi böyük ehtiramla anılıb.
Görüş zamanı icra başçısı möhtərəm Prezidentimiz cənab İlham Əliyevin təhsilə göstərdiyi diqqət və qayğıdan, təhsil sahəsində aparılan islahatlardan, təhsil sistemimizin dünya təhsil sisteminə inteqrasiya olunmasından söhbət açıb. Tələbə adını qazanan gəncləri təbrik edən icra başçısı onlara uğurlar arzulayıb, müəllimlərinə və valideynlərinə səmimi təbriklərini çatdırıb.
Gənclər onlara göstərilən qayğıya, yaradılan hərtərəfli şəraitə görə ölkə rəhbərinə, görüşün təşkil edilməsində göstərdiyi diqqətə görə icra başçısına, həmçinin yüksək nəticə əldə etdikləri üçün müəllimlərinə minnətdarlıqlarını ifadə ediblər.
Tələbə adını qazanmış gənclərə xatirə hədiyyələri təqdim edilib.
