25 dekabr 2019-cu il tarixində Naftalan şəhər İ.Nəsimi adına 1 nomrəli tam orta məktəbdə aprel şəhidi Vaqif Bayramovun doğum günü münasibətilə anım tədbiri keçirilib
Tədbirdə Naftalan Şəhər İcra Hakimiyyəti başçısı aparatının məsul işçiləri, şəhidin ailə üzvləri, məktəblərin müəllim və şagird kollektivi, şəhər ictimaiyyətinin nümayəndələri iştirak ediblər.
Tədbir açıq elan edildikdən sonra Azərbaycan Respublikasının dövlət himni səsləndirilib. Himnin ardınca şəhidlərin əziz xatirəsi bir dəqiqəlik sükutla yad edilib.
Tədbiri giriş sözü ilə açan məktəb direktoru Faiq Rüstəmov şəhid Vaqif Dilqəm oğlu Bayramovun mənalı həyat və şərəfli döyüş yolundan danışıb.
Tədbirdə şəhidin qızı Zeynəb Bayramova şəhidlər haqqında şeir söyləyib. Həmçinin şagirdlərin ifasında şəhidlərə həsr olunmuş ədəbi-bədii kompozisiya nümayiş etdirilib.
Sonda iştirakçılara şəhidin əziz xatirəsinə həsr edilmiş sənədli film nümayiş etdirilib.
 |
 |
 |
 |
 |
 |
