Naftalan şəhərində yeniyetmələr arasında cüdo idman növü üzrə region birinciliyi keçiriləcək.
03-04 oktyabr 2019-cu il tarixlərdə Naftalan şəhərində Azərbaycan Respublikası Gənclər və İdman Nazirliyi və Azərbaycan Cüdo Federasiyasının birgə təşkilatçılığı ilə 2003-2005-ci il və 2006-2007-ci il təvəllüdlü yeniyetmələr arasında cüdo idman növü üzrə region birinciliyi keçiriləcəkdir.Yarışda Naftalan, Xocalı, Yevlax şəhərləri, Ucar, Göyçay, Ağdaş, Bərdə, Ağcabədi, Ağdam, Zərdab, Laçın və Goranboy rayonlarından olan idmançılar iştirak edəcəkdir.
02 oktyabr 2019-cu il tarixdə Naftalan şəhər İcra Hakimiyyəti başçısının səlahiyyətlərini icra edən Arzu Məmmədov Azərbaycan Cüdo Federasiyasının nümayəndə heyətini qəbul edib.Arzu Məmmədov qonaqları salamlayaraq son illər Naftalan şəhərində turizm sahəsində görülən işlər və şəhərin turizm potensialı barədə ətraflı məlumat verib.
Naftalan şəhər İcra Hakimiyyəti başçısının səlahiyyətlərini icra edən Arzu Məmmədov yeniyetmələr arasında cüdo idman növü üzrə region birinciliyi Naftalan şəhərində keçirildiyinə görə nümayəndə heyyətinə öz təşəkkürünü bildirib və yarışın təşkilində idmançılara hər cür şəraitin yaradılacağını qeyd edib.
Azərbaycan Cüdo Federasiyasının regionlarda cüdonun inkişafı şöbəsinin müdiri Tərlan Poladlı qonaqpərvərliyə və diqqətə görə Arzu Məmmədova öz dərin təşəkkürünü bildirib.
