Qaşaltı Qaraqoyunlu kənd sakinləri ilə görüş keçirildi.
Naftalan şəhər İcra Hakimiyyətinin başçısı Natiq Aslanov növbəti səyyari görüşünü şəhərin Qaşaltı Qaraqoyunlu kəndinin sakinləri ilə keçirdi. Səyyari görüşdə şəhər rəhbəri ilə yanaşı, şəhər icra hakimiyyətinin məsul işçiləri, kənd icra nümayəndəsi, hüquq mühafizə orqanlarının, dövlət idarə, müəssisə və təşkilatlarının, xidmət sahələrinin rəhbərləri də iştirak edirdi.
Görüşdə şəhər İcra Hakimiyyətinin başçısı sakinlərin problemlərini dinlədi.
Qəbula gələn vətəndaşlar pay torpağının suvarılması üçün avtomobil yoluna dəmir borunun salınmasına, şəhərə yeni su xəttinin çəkilişi ilə əlaqədar pay torpağında aparılan qazıntı işləri zamanı yığılıb qalmış torpağın götürülməsinə, həyətyanı torpaq sahəsinin suvarılmasına köməklik göstərilməsini xahiş etdilər. Bir nəfər Qarabağ müharibəsi əlili əlil olduğunu nəzərə alaraq ona fərdi yaşayış evinin tikintisi üçün əlavə torpaq sahəsinin ayrılmasını istəmişdir.
Qəbulda qeyd olunan məsələlərin həll olunması məqsədilə aidiyyatı üzrə idarə, müəssisə və təşkilat rəhbərlərinə konkret tapşırıqlar verilmişdir.
Daha sonra şəhər İcra Hakimiyyətinin başçısı qarşıdan gələn prezident seçkiləri barədə danışdı. O, çıxışında qeyd etdi ki, biz seçki gününü səbirsizliklə gözləyirik. Ona görə ki, məhz həmin gün öz vətəndaşlıq borcumuzu yerinə yetirəcək, növbəti 5 il üçün inandığımız, həyatımızı, taleyimizi, gələcəyimizi təmin edə biləcək namizədə səs verəcəyik. Naftalanda növbəti prezident seçkilərinə hazırlıq tədbirləri yüksək səviyyədədir. Bu barədə də vətəndaşları maraqlandıran suallar cavablandırıldı.
