“Bilik Günü” qeyd edildi.
16 sentyabr 2013-cü il tarixdə Bilik Günü münasibətilə şəhərin ümumtəhsil tam orta məktəblərində tədbir keçirildi.
Hər bir məktəbdə tədbiri giriş sözü ilə məktəbin direktoru açaraq müəllim və şagirdləri yeni dərs ilinin başlanması münasibətilə təbrik etmişdir. Sonra Təhsil Şöbəsinin müdiri İlqar Əsgərov və Şəhər İcra Hakimiyyətinin nümayəndəsi Müsaməddin Gülmalıyev də öz növbəsində şagirdləri qazandıqları nailiyyətlərə görə və qarşıdan gələn tədris ili münasibətilə təbrik edərək, onlara uğurlar arzuladılar. Tədbirə şagirdlərin hazırladıqları musiqili kompozisiya xüsusi rəngarənglik vermişdir.
Sonda ilk zəngin sədaları altında şagirdlər doğma siniflərinə daxil oldular. Ilk dərs “Mənim Vətənim-doğma yurdum” mövzusuna həsr olunmuşdur.
Qeyd edək ki, yeni tədris ilində Naftalan şəhəri üzrə I sinifə qəbul olan uşaqların sayı 135-olub.
