Ulu Öndər Heydər Əliyevin anadan olmasının 95-ci ildönümü münasibətilə silsilə tədbirlər davam etdirilir.
07 may 2018-ci il tarixdə Naftalan şəhər İ.Nəsimi adına 1 nömrəli tam orta məktəbdə Ümummilli Lider Heydər Əliyevin anadan olmasının 95-ci ildönümünə həsr edilən “Sən elə bir zirvəsən” adlı tədbir keçirilib.
Məktəbin direktoru Faiq Rüstəmov tədbiri giriş sözü ilə açaraq müstəqil Azərbaycan dövlətinin qurucusu və memarı olan dahi Lider Heydər Əliyevin həyat və fəaliyyəti, onun Azərbaycan tarixindəki misilsiz xidmətlərin barədə danışıb.
Tədbirdə çıxış edən natiqlər dövlətimizin və dövlətçiliyimizin banisi, Azərbaycan xalqının xilaskarı olan ulu öndər Heydər Əliyev siyasətinin uğurlu nəticələrindən bəhs edib, onun zəngin irsinin bütün nəsillər üçün örnək olduğunu diqqətə çatdırıblar. Eyni zamanda məktəbin əl işlərindən ibarət sərgi nümayiş etdirildi.
Həmçinin məktəbin IX-XI sinif şagirdləri arasında “Heydər Əliyev-Azərbaycanın memarıdır” mövzusunda inşa yazı müsabiqəsi keçirilib.
