Naftalanda növbəti səyyar görüş keçirilib
8, 9, 14 və 15 nömrəli çoxmənzilli yaşayış binalarının sakinləri ilə səyyari görüş keçirilib.
05 iyul 2017-ci il tarixdə Naftalan Şəhər İcra Hakimiyyətinin başçısı Natiq Aslanov növbəti səyyari görüşünü şəhərin 8, 9, 14 və 15 nömrəli çoxmənzilli yaşayış binalarının sakinləri ilə keçirib.
Ayrı-ayrı sahələrə dair şəhər sakinləri tərəfindən irəli sürülən müraciət, təklif və şikayətlər şəhər İcra Hakimiyyəti başçısının göstərişi ilə yerində həll edilmiş, bəzi məsələlərin isə həll edilməsi üçün müvafiq tapşırıqlar verilmiş və nəzarətə götürülmüşdür.
Sonra Naftalan Şəhər İcra Hakimiyyətinin başçısı Natiq Aslanov şəhərin II mikrorayonunun ərazisində yeni asfalt örtüyünün salınması işlərinin gedişi ilə maraqlandı və iş icraçılarına və digər məsul şəxslərə müvafiq tapşırıqlarını verdi.
