Naftalan şəhərində maarifləndirici tədbir keçirilib.
Naftalan şəhərində Azərbaycan Demokratik Tələbə Gənclər Təşkilatının təşkilatçılığı ilə “Region gənclərinin peşə bacarıqlarının və peşəkarlıq imkanlarının artırılması” mövzusunda maarifləndirici tədbir keçirilib.
Azərbaycan Respublikasının Prezidenti yanında Gənclər Fondunun maliyyə dəstəyi ilə reallaşdırılmış layihə çərçivəsində keçirilən tədbirdə YAP Naftalan təşkilatı Gənclər Birliyinin sədri Aynurə Novruzova, Azərbaycan Demokratik Tələbə Gənclər Təşkilatının sədri Asif Əsgərli, təlimçi Dadaş Əhmədov, layihənin eksperti Gülnarə Bağırova və şəhərin bir qrup fəal gənci iştirak etmişdir.
Tədbiri giriş nitqi ilə açan Aynurə Novruzova dövlətin gənclərə açdığı geniş imkanlardan söz açmış və bu kimi layihələrin gənclərin karyera seçimi imkanlarını artırdığını vurğulamışdır. ADTGT sədri Asif Əsgərli çıxış edərək layihənin məqsədi haqqında geniş məlumat verib. Daha sonra təlimçi Dadaş Əhmədov tərəfindən gənclərə peşə seçimi zamanı hansı meyarların əsas götürülməsi, karyera anlayışı və peşəkarlıq imkanlarının karyera inkişafında rolu, iş müsabihə və müsabiqələri, dövlət qulluğuna hazırlıq, CV-lərin və istək məktubunun hazırlanması mövzularında geniş məruzə edilmişdir.
Sonda Azərbaycan Demokratik Tələbə Gənclər Təşkilatı tərəfindən təlim sessiyasında fəal iştiraka görə gənclərə sertifikatlar verilib.
