Koreya Respublikasının Azərbaycan Respublikasındakı fövqəladə və səlahiyyətli səfiri Çoi Suk-in Naftalan şəhərində olmuşdur.
“Kəhriz bərpası layihəsi” ilə əlaqədar Koreya Respublikasının Azərbaycan Respublikasındakı fövqəladə və səlahiyyətli səfiri Çoi Suk-inin başçılığı ilə Beynəlxalq Miqrasiya Təşkilatının Azərbaycandakı nümayəndəliyinin rəhbər əvəzi cənab Serhan Aktoprak və bir qrup nümayəndə heyəti, eləcə də Azərbaycan Respublikası Nazirlər Kabinetinin əməkdaşı Aqşin Əliyev və Beynəlxalq Miqrasiya Təşkilatının Azərbaycandakı nümayəndəliyinin mühəndisi Rəvan Mehdiyev 1 may 2013-cü il tarixdə Naftalan şəhərində səfərdə olmuşlar.
2 may 2013-cü il tarixdə nümayəndə heyəti Naftalan şəhər İcra Hakimiyyətində şəhər İcra Hakimiyyətinin başçısı Natiq Aslanovla görüşmüş, daha sonra isə “Kəhriz bərpası layihəsi” çərçivəsində şəhərdə bərpa edilmiş Çəkil kəhrizinə baxış keçirilmişdir.
