İstedadlı şagirdimiz mükafatlandırılıb.
Ailə, Qadın və Uşaq Problemləri üzrə Dövlət Komitəsinin (AQUPDK) 1 iyun - Uşaqların Beynəlxalq Müdafiəsi Günü münasibətilə təşkil etdiyi "İstedadlı uşaqlar-2016" festivalının qaliblərinin mükafatlandırılma mərasimi keçirilib. Tədbirdə şəhər və regionlardan 250-yə yaxın uşaq, o cümlədən xüsusi qayğıya ehtiyacı olan və Azərbaycanda yaşayan bütün xalqları təmsil edən uşaqlar iştirak ediblər. Festivalda şəhərimizi Naftalan şəhər Uşaq Musiqi məktəbinin fortepiano şöbəsinin f-no ixtisası üzrə II sinif şagirdi “Təhlil və ifa edir gənc musiqiçilər” III Respublika müsabiqəsi laureatı Məmmədli Brilyant İsmayıl qızı təmsil edib. B. Məmmədli "İstedadlı uşaqlar-2016" festivalında diplomla təltif olunub.
Həmçinin tədbirdə 2015-ci və 2016-cı illərdə uğur qazanmış uşaqların fəaliyyətini özündə əks etdirən “İstedadlı uşaqlar-2016” filminin təqdimatı olub.
Mərasimdə elm, təhsil, yaradıcılıq, incəsənət və idman sahələrində Azərbaycanı beynəlxalq müsabiqələrdə təmsil edib qalib gəlmiş uşaqlar mükafatlandırılıblar. Qaliblərə “Azərbaycanın gələcəyi” kuboku, diplomlar və hədiyyələr təqdim olunub. Milli Məclisin deputatlarının, dövlət qurumlarının, beynəlxalq və qeyri-hökumət təşkilatlarının nümayəndələrinin iştirak etdiyi tədbir konsert proqramı ilə davam edib.
