Naftalanda şəhidin medalı ailəsinə təqdim edilib
Talış kəndi ərazisindəki adsız yüksəkliklərin alınması uğrunda gedən döyüşlər zamanı şəhid olmuş Naftalan şəhər sakini Bayramov Vaqif Dilqəm oğlunun təltif edildiyi "Hərbi xidmətdə fərqlənməyə” görə 3-cü dərəcəli medalı ailəsinə təqdim olunub. Medal şəhidin azyaşlı oğlu Ümid Bayramlıya təqdim edilib. Medalın təqdimetmə mərasimində Naftalan şəhər İcra Hakimiyyəti başçısı Natiq Aslanov, Müdafiə Nazirliyinin əməkdaşı Rasim Əliyev, şəhid ailəsinin üzvləri və ictimaiyyət nümayəndələri iştirak ediblər.
Naftalan şəhər İcra Hakimiyyətinin başçısı Natiq Aslanov Naftalanlı şəhid, kapitan Bayramov Vaqif Dilqəm oğlunun Azərbaycan ordusunun təmas xəttində göstərdiyi şücaətlərdən danışıb və şəhidin valideynlərinə, yaxınlarına dərin hüznlə baş sağlığı verib.
.
