Ümummilli lider Heydər Əliyevin xatirəsinə həsr olunmuş mini-futbol üzrə turnir başa çatdı.
Yeni Azərbaycan Partiyası Naftalan şəhər təşkilatının və şəhər Gənclər və İdman idarəsinin təşkilatçılığı ilə idarə, müəssisə və təşkilatlar arasında Ümummilli lider Heydər Əliyevin anadan olmasının 93-cü ildönümü münasibətilə təşkil olunmuş mini-futbol turnirinin 10 may 2016-cı il tarixdə final görüşü keçirilib.
Ulu öndərin anadan olmasının 93-cü ildönümünün qeyd edilməsi, gənclərdə yoldaşlıq və dostluq əlaqələrinin möhkəmləndirilməsi məqsədilə keçirilən yarışda I yeri Naftalan şəhər Uşaq-Gənclər İdman Məkətbinin komandası, II yeri Naftalan şəhər Dövlət Yanğından Mühafizə Xidmətinin komandası, III yeri "Qarabağ SPA and Resort" otelin komandası qazanmışdır.
Finalda yer tutmuş komandalara fəxri fərman və kubok verilib.
