Uşaq musiqi məktəbində “Ömrün Heydər zirvəsi” adlı tədbir keçirildi.
Naftalan şəhər uşaq musiqi məktəbində Ulu öndər Heydər Əliyevin 93-cü il dönümünə həsr edilmiş “Ömrün Heydər zirvəsi” adlı tədbir keçirildi.
Tədbiri məktəbin direktoru Almaz Əliyeva açaraq Ulu Öndər Heydər Əliyevin Azərbaycan xalqına verdiyi əvəzsiz töhvələrdən, Azərbaycan mədəniyyətinə və incəsətəinə göstərdiyi əvəzsiz xidmətlərindən danışdı. Sonra məktəbin uşaq xor kollektivinin ifasında Azərbaycanın himni səsləndirildi. Məktəbin xalq çalğı alətləri və “Cəngi” qarmonçalanlar ansamblının, kiçik və böyük yaş qrupu üzrə xor kollektivinin, rəqs qruplarının çıxışı, fortepiano, qarmon, tar, kamança, violin, saz alətləri üzrə fərdi ifalar dinləyicilər tərəfindən maraqla qarşılandı.
Tədbir ümumilli lider, xalqımızın sevimlisi, dünya azərbaycanlılarının himayədarı və əbədiyaşar öndərimiz Heydər Əlirza oğlu Əliyevin haqqında yazılmış şeirlərlə sona çatdı.
