Bu gün Heydər Əliyev Mərkəzinin qonaqları Naftalan şəhər məktəbəqədər təhsil müəssisəsinin uşaqları oldular
05 may 2016 | 16:00
Naftalan şəhər körpələr evi-uşaq bağçasının sevimli balacaları Heydər Əliyev parkında Ulu Öndərin abidəsini ziyarət etdilər, abidə önündə Azərbaycanın himnini oxuyaraq, vətənpərvərlik mövzusunda şerlər söylədilər.
Sonra Heydər Əliyev Mərkəzinə gələrək Ulu Öndərin zəngin həyat və fəaliyyətini əks etdirən eksponatlarla və fotolarla tanış oldular. Burada Mərkəzin bələdçisi tərəfindən balacalara Azərbaycan xalqının ümummilli lideri Heydər Əliyevin ömür yolu, siyasi fəaliyyətini özündə əks etdirən eksponatlar, kitablar və fotolar haqqında ətraflı məlumat verildi.
Sonda uşaqlar xatirə şəkli çəkdirib Mərkəzdən xoş ovqatla ayrıldılar.
Keçidlər
