Körpələr evi-uşaq bağçasında Yeni il şənliyi keçirilib
26.12.2015-ci il tarixdə Naftalan şəhər V.Namazov adına körpələr evi-uşaq bağçasında “31 dekabr Dünya Azərbaycanlılarının həmrəyliyi günü” və “Yeni il bayramı” münasibətilə bayram şənliyi keçirilib.
Tədbirdə çıxış edən Naftalan şəhər İcra Hakimiyyəti Başçısı aparatının məsul işçisi Afət Mustafayeva uşaqları “31 dekabr - Dünya Azərbaycanlılarının Həmrəyliyi günü” və “Yeni il bayramı” münasibətilə təbrik etmiş, onlara can sağlığı, xoşbətlik və heç zaman onların simalarından uşaq təbəssümünün, xoşbəxtliyinin əksik olmamasını arzulamışdır.
Daha sonra uşaqların ifasında Yeni İlə həsr olunmuş azərbaycan, rus və ingilis dillərində söylənilən şerlər, mahnılar, eləcə də nümayiş etdirilən mili və xarici rəqs nömrələri alqışlarla qarşılanıb. Balacaların nümayiş etdirdiyi yeni il səhnəcikləri maraqla izlənilib.
Tədbirdə şaxta babanın və qar qızın hədiyyələrlə şənliyə gəlməsi, uşaqların bayramını təbrik edərək hədiyyələr paylaması və uşaqlarla rəqs etməsi onların daha da sevincinə səbəb olub.
