“Müasir Azərbaycanın memarı” mövzusunda inşa yazı müsabiqəsinin qalibləri mükafatlandırılıb
Naftalan şəhər Gənclər və İdman idarəsinin təşkilatçılığı ilə şəhərin tam orta məktəblərinin IX-XI sinif şagirdləri arasında Ümummilli lider Heydər Əliyevin anım gününə həsr olunmuş “Müasir Azərbaycanın memarı” mövzusunda keçirilmiş inşa yazı müsabiqəsi qaliblərinin mükafatlandırılması mərasimi keçirilib. Məktəblilərə Ulu Öndər Heydər Əliyevin Azərbaycan dövlətçiliyinin yaradılmasında, milli-siyasi suverenliyin qorunub saxlanılmasında, sürətli iqtisadi inkişafa nail olunmasında, milli-mədəni irsin mühafizəsində misilsiz xidmətlərindən danışılıb.
Müsabiqəyə inşa yazı təqdim edənlər arasında 2 nəfər 1-ci, 3 nəfər 2-ci, 2 nəfər 3-cü yerə layiq görülüblər. Sonda müsabiqə qaliblərinə diplomlar, mükafat və müxtəlif qiymərli hədiyyələr verilib.
