Naftalanda "2 fevral-Gənclər günü" təntənəli şəkildə qeyd edildi
02 fevral 2015-ci il tarixdə Naftalan şəhərində "2 fevral-Gənclər günü" münasibətilə tədbir keçirilmişdir. Gənclər ilk olaraq ümummilli lider Heydər Əliyevin adını daşıyan parkda dahi öndərin xatirəsinə ucaldılmış abidəni ziyarət edərək önünə çiçək düzüblər.Daha sonra tədbir Naftalan Hotel By Rixos otelinin Əyləncə Mərkəzi zalında davam etdirildi.
Tədbirdə çıxış edən şəhər Gənclər və İdman idarəsinin rəhbərliyi, İcra Hakimiyyəti aparatının məsul işçiləri və qonaqlar ölkəmizin hərtərəfli inkişafında gənclərin rolunun artdığını, onların cəmiyyətin fəal qurucularına çevrildiklərini, ictimai-siyasi həyatda fəal iştirak etdiklərini diqqətə çatdırmış, gənclərə yeni nailiyyətlər arzulamışlar.Həmçinin tədbirdə qeyd edildi ki, ölkə Prezidenti cənab İlham Əliyevin siyasətində gənclərlə iş xüsusi yer tutur. Gənclərlə bağlı bir sıra proqramların həyata keçirildiyini xatırladan natiqlər qeyd ediblər ki, əsası Ümummilli liderimiz Heydər Əliyev tərəfindən qoyulan bu siyasət nəticəsində Azərbaycan gəncliyi yüksək inkişaf mərhələsini yaşayır. Ulu öndərimizin müəyyənləşdirdiyi gənclər siyasəti Prezident İlham Əliyev tərəfindən uğurla davam etdirilir.
Tədbirin sonunda təhsil,mədəniyyət,idman sahələrində uğur qazanmış gənclərə diplom və hədiyyələr təqdim olunmuşdur.
