Dövlət Gömrük Komitəsinin sədri Naftalanda vətəndaşları qəbul edib
26.12.2014-cü il tarixdə Naftalan şəhəri Heydər Əliyev Mərkəzində Azərbaycan Respublikası Dövlət Gömrük Komitəsinin sədri Aydın Əliyev tərəfindən Naftalan şəhəri və Göygöl, Goranboy, Bərdə, Tərtər rayonlarında yaşayan vətəndaşların qəbulu keçirilib.
Qəbuldan əvvəl sədr Aydın Əliyev və Naftalan Şəhər İcra Hakimiyyətinin başçısı Natiq Aslanov ümummilli lider Heydər Əliyevin abidəsini ziyarət etmiş, önünə gül dəstəsi qoymuş, Ulu Öndərin əziz xatirəsini dərin ehtiramla yad etmişlər.
Gün ərzində aparılmış qəbul zamanı gömrük fəaliyyəti bağlı hər bir vətəndaş diqqətlə dinlənilmiş, müraciətlərdə qaldırılan məsələlərin bir qismi elə yerindəcə öz həllini tapmış, digər müraciətlər üzrə qəbulda iştirak edən komitənin aidiyyəti məsul işçilərinə müvafiq tapşırıqlar verilmişdir.
