Məşğulluq Mərkəzində işəgötürənlərlə əlaqədar dəyirmi masa təşkil olundu.
Naftalan şəhər Məşğulluq Mərkəzi, Şəhər İcra Hakimiyyəti yanında Məşğulluğa kömək göstərən əlaqələndirmə komitəsi ilə birgə “Sosial müdafiəyə xüsusi ehtiyacı olan və işə düzəlməkdə çətinlik çəkən vətandaşlar üçün kvota tətbiq edilməsi qaydaları barədə işəgötürənlərin məlumatlandırılması və qeyd olunan əhali kateqoriyasının məşğulluğunun təmin edilməsi sahəsində işəgötürənlərin iştirakı” mövzusunda dəyirimi masa keçirilmişdir.
Naftalan şəhər Məşğulluq Mərkəzinin direktoru Aqşin Məmmədov çıxış ederək iştirakçılara mövzu ilə bağlı məlumat vermişdir..
Daha sonra Məşğulluğa kömək göstərən əlaqələndirmə komitəsinin rəhbəri. Naftalan şəhər İcra Hakimiyyəti başçısının müavini Afət Cabarova iştirak etmiş və Naftalan şəhərində fəaliyyət göstərən, idarə və təşkilat rəhbərlərinə mövzu ətrafında tövsiyə və tapşırıqlarını vermişdir.
Sonda kvota tətbiq edilən idarələrin rəhbərlərinin iştrakı ilə geniş müzakirələr aparılmışdır.
