Heydər Əliyev Mərkəzində növbəti nigah mərasimi keçirilib.
Heydər Əliyev Mərkəzində yeni bir gənc ailənin- Rəşad İsayevlə Gülnar Hüseynovanın nigahının qeydə alınması mərasimi keçirilib. Gənclər ilk olaraq ulu öndər Heydər Əliyevin abidəsini ziyarət edərək önünə gül dəstələri düzmüş, xatirəsini ehtiramla yad etmişlər.
Daha sonra Mərkəzdə yeni ailə quranların qohumlarının və şəhər icra hakimiyyəti nümayəndələrinin iştirakı ilə nikah aktının imzalanması mərasimi olub. Nigah mərasimində Heydər Əliyev Mərkəzinin işçiləri iştirak ediblər. Mərasimdə çıxış edən Naftalan şəhər İcra Hakimiyyəti Başçısının müavini Afət Cabbarova hər iki cütlüyə xoş arzularını bildirib, ailənin əhəmiyyətindən və onların müqəddəs varlığından danışıb və onlara xoşbəxtlik arzulayıb.
Sonda gənc ailəyə şəhər İcra Hakimiyyəti adından hədiyyələr təqdim olunub
