“Gənc Liderlər üçün Qış Universiteti” layihəsi başa çatıb
Naftalan ŞİH-nin, "Davam" Gənclər Hərəkatının təşkilatçılığı, Azərbaycan Respublikasının Gənclər Fondunun dəstəyi ilə həyata keçirilən "Gənc Liderlər üçün Qış Universiteti"nin layihəsi çərçivəsində gənclər Naftalan şəhəri ilə tanış olublar.
Şəhərin mərkəzində torpaqlarımızın azadlığı uğrunda canlarından keçən Şəhidlərimizin xatirəsinə ucaldılmış Memorial Kompleksi ziyarət ediblər.
Gənclərə məlumat verilib ki, Vətən Müharibəsinin başladığı ilk gün erməni vandallarının atdığı top mərmisi nəticəsində Naftalan şəhəri Qaşaltı Qaraqoyunlu kənd sakinləri - bir ailənin ikisi uşaq olmaqla beş üzvü şəhid olmuşdur.
Həmçinin, gənclər 44 günlük Vətən Müharibəsində Naftalan şəhərinə düşən top mərmilərinin izləri və şəhərin girişində Tanıtma Lövhəsində quraşdırılan tarixi məlumat lövhəsi ilə tanış olublar.
Qeyd edək ki, panellər çərçivəsində Millət Vəkilləri - Naqif Həmzəyev, Pərvin Kərimzadə, İlham Məmmədov, Məzahir Əfəndiyev, Jalə Əhmədova, Könül Nurullayeva, Ceyhun Məmmədov iştirak edib, şəhərimizin qonağı olublar.
Layihənin məqsədi gənc liderlərin kəşf edilməsi, onların intellektual inkişafına nail olmaq, dünyagörüşünün artırılması və asudə vaxtlarının səmərəli təşkil olunmasıdır.
 |
 |
 |
 |
 |
 |
 |
 |
 |
 |
 |
.jpg) |
 |
