Naftalanda abadlıq işləri davam etdirilir

28 yanvar 2022 | 16:00

Respublikamızda aparılan abadlıq-quruculuq işləri çərçivəsində Naftalanda da küçə, prospekt və parkların abadlaşdırılması, yaşıllıqların salınması istiqamətində işlər uğurla davam etdirilir.
Naftalan Şəhər Mənzil Kommunal Təsərrüfatı İstehsalat Birliyinin əməkdaşları tərəfindən gün ərzində şəhərin müxtəlif ərazilərində təmizlik və təmir-bərpa işləri görülür, yaşıllıqlara qulluq göstərilir. Şəhər İcra Hakimiyyətinin başçısının tövsiyyəsinə əsasən görülən işlər hazırda Heydər Əliyev, Şirvan prospektlərini və digər küçələri əhatə edir.
Görülən işlər çərçivəsində küçə və prospektlərdə olan yaşıllıqlara qulluq göstərilir, ağacların dibləri bellənir, qurumuş budaqları kəsilir, yeni ağac və gül kolları əkilir. Qeyd etmək yerinə düşər ki, ötən il ərzində Naftalanın müxtəlif ərazilərində 8 mindən çox müxtəlif növ ağac və gül kolları əkilib və bu proses hazırda da davam etdirilir.

Keçidlər