Naftalanda turizmin inkişafı sahəsində işlər davam etdirilir
Naftalan kurort şəhərinin müasirləşməsi və turistlərin rahatlığının təmin edilməsi istiqamətində işlər davam etdirilir. Dövlət Turizm Agentliyi və Azərbaycan Turizm Bürosu ilə hazırlanmış kompleks tədbirlər planında nəzərədə tutulmuş tədbirlər mərhələli şəkildə həyata keçirilir.
Nəzərdə tutulan tədbirlərdən biri də yerli istehsal olan WingZ elektroskuterlərin, Taxi bike MTB-01 Motoribike və İsrail istehsalı olan EZRaider HD4 elektrikli avtomobillərin istifadəyə verilməsidir.
Naftalan Şəhər İcra Hakimiyyətinin başçısı, DTA-nın Gəncə Destinasiya Menecment Təşkilatının və mərkəzi ofisi paytaxt Bakıda yerləşən WingZ şirkətinin məsul əməkdaşları ilə görüş keçirib. Görüş zamanı təkliflər irəli sürülmüş, bir sıra məsələlər müzakirə edilmişdir. Daha sonra ekoloji cəhətdən zərərsiz elektron nəqliyyat vasitələri sayılan yeni avadanlıqların təqdimatı və test sürüşləri olub. Qeyd edək ki, həmçinin bələdçi vasitəsi ilə şəhər ərazisində və turistlər üçün digər cəlbedici yerlərə daha rahat, təhlükəsiz gəzintilər təşkil olunacaqdır.
.jpg) |
 |
 |
 |
