10 Dekabr – Zəfər paradı!
Azərbaycanın 44 günlük haqq savaşı tarixi qələbə ilə başa çatıb. Bu gün əldə etdiyimiz zəfərə həsr olunmuş hərbi parad keçirilib. Paytaxt Bakının Azadlıq Meydanında keçirilən “Zəfər paradı”nda Azərbaycan Respublikasının Prezidenti, Silahlı Qüvvələrin Ali Baş Komandanı cənab İlham Əliyev, Birinci vitse-prezident hörmətli Mehriban xanım Əliyeva, Türkiyə Respublikasının Prezidenti Rəcəb Tayyib Ərdoğan və xanımı Əminə Ərdoğan iştirak ediblər.
Hərbi paradda 3000 nəfərdən artıq şəxsi heyət iştirak edib, 150-dək hərbi texnika, o cümlədən silahlanmaya yeni qəbul edilmiş müasir hərbi texnika, raket və artilleriya qurğuları, hava hücumundan müdafiə sistemləri, eləcə də hərbi gəmi və katerlər nümayiş etdirilib.
Paradda maraqlı yeniliklər olub. Belə ki, Vətən Müharibəsində müzəffər ordumuzun düşməni pərən-pərən salarkən qənimət olaraq ələ keçirdiyi hərbi texnikanın bir qismi və rəşadətli Azərbaycan ordusunun məhv etdiyi zirehli texnikalar və texnika nömrələrindən hazırlanmış nəhəng “Qarabağ Azərbaycandır” yazısı nümayiş etdirilib.
Paradda Azərbaycan hərbçiləri ilə yanaşı Türkiyə Silahlı Qüvvələrinin hərbçiləri də keçid edib.
 |
 |
 |
 |
.jpg) |
