Naftalanda yeni salınacaq mini parkda abadlıq işləri davam etdirilir

09 dekabr 2020 | 16:00

Azərbaycan Respublikasının Prezidenti möhtərəm cənab İlham Əliyev regionların sosial-iqtisadi inkişafına, bölgələrdə abadlıq-quruculuq işlərinin aparılmasına daim diqqət və qayğı göstərir. Bu, kurort şəhəri Naftalanda da aydın nəzərə çarpır. Son illər ərzində şəhərdə bir sıra infrastruktur və sosial layihələr uğurla həyata keçirilib. Bu işlərin başa çatması ilə şəhərin estetik gözəlliyinin bərpasına başlanılmışdır. Belə ki, küçələrdə, çoxmənzilli yaşayış binalarının qarşısında səliqə-səhman yaradılmış, abadlıq və yenidənqurma işləri xüsusi diqqət mərkəzində saxlanılmışdır. Eyni zamanda sakinlərin və şəhərə gələcək qonaqların mənalı istirahəti və asudə vaxtlarının səmərəli təşkili üçün şəhərin mərkəzi küçəsində mini istirahət parkı və piyada yolları yaradılması istiqamətində işlərə başlanılmışdır. Əraziyə münbit torpaq daşınmış və yayılmışdır, yeni salınacaq mini parkda çinar və eldar şamı ağacları əkilmişdir. Parkda yeni işıqlandırma sistemi və yeni oturacaqların quraşdırılması nəzərdə tutulur.
Görülmüş və görüləcək işlərin məqsədi şəhərimizi dünyada istirahət və müalicə mərkəzi kimi sakinlərimizin və turistlərin sevimli məkanına çevirməkdir.

Keçidlər