YAP Naftalan şəhər təşkilatının hesabat yığıncağı keçirildi.
07 mart 2014-cü il tarixdə Yeni Azərbaycan Partiyası Naftalan şəhər təşkilatının 2013-cü ildə gördüyü işlərə dair hesabat tədbiri keçirilmişdir. Yığıncaq iştirakçıları əvvəlcə ümummilli lider Heydər Əliyevin abidəsinin önünə gül-çiçək qoymuşlar.
Heydər Əliyev Mərkəzində davam edən tədbirdə YAP Naftalan şəhər Təşkilatının sədri Hatəm Qocayev 08 mart “Beynəlxalq qadınlar günü” münasibətilə qadınları təbrik edib. Daha sonra məruzə ilə çıxış edərək YAP Naftalan şəhər Təşkilatının 2013-cü ildə fəaliyyətindən danışıb.
O qeyd edib ki, 09 oktyabr 2013-cü ildə ölkəmizin, habelə partiyanın siyasi həyatında ən mühim hadisə Respublikamızda keçirilən prezident seçkiləri olmuşdur. Partiyanın sədri cənab İlham Əliyev yüksək faizlə səs toplayaraq bir daha prezident seçilmişdir.
YAP Naftalan şəhər təşkilatı Azərbaycan Respublikasının Prezidenti cənab İlham Əliyevin verdiyi fərman və sərəncamları ürəkdən alqışlayır və təbliğat fəaliyyətini bu fərmanların icrası istiqamətində qurur. Həmçinin qeyd etmişdir ki, Yeni Azərbaycan Partiyası Naftalan şəhər təşkilatı, Respublika Prezidenti, YAP sədri, cənab İlham Əliyevi əmin edir ki, Yeni Azərbaycan Partiyasının üzvləri respublikamızın, şəhərimizin ictimai-siyasi, mədəni, quruculuq işlərində fəal iştirak etməklə, Ölkə Prezidenti cənab İlham Əliyev ətrafında sıx birləşərək, respublikamızın qüdrətlənməsinə, güclənməsinə və daha da inkişaf etməsinə öz töhfələrini verəcəklər.
Tədbirdə həmçinin, Naftalan şəhər Gənclər və İdman İdarəsinin rəis müavini Sənan Axundov, YAP Naftalan şəhər Gənclər Birliyinin sədri Kənan Balacayev cıxış etmişlər.
Tədbirin sonunda Yeni Azərbaycan Partiyası Naftalan şəhər Təşkilatının ictimai-siyasi həyatında fəal xidmətinə görə bir neçə şəxs diplomla təltif olunmuşdur.
