Naftalanda çoxmərtəbəli yaşayış binalarının dam örtüklərində cari təmir işləri aparılır
Naftalan şəhəri ərazisində həyata keçirilən genişmiqyaslı abadlıq-quruculuq işlərinin tərkib hissəsi kimi, şəhərdəki çoxmərtəbəli yaşayış binalarının dam örtüklərində cari təmir işlərinə başlanılıb.
Şəhər sakinlərinin müraciətləri əsasında, intensiv yağışlar yağan zaman su sızmalarının qarşısının alınması məqsədilə çoxmənzilli yaşayış binalarının dam örtüklərində zəruri tədbirlər həyata keçirilib. Belə ki, xüsusi qaldırıcı texnika cəlb olunmaqla çoxmərtəbəli yaşayış binalarının dam örtükləri və yağış suları axıdılan novalçalar təmizlənib, həmçinin sıradan çıxmış novalçalar yenisi ilə əvəz olunub.
Həmçinin şəhərdə 3 doqquz mərtəbəli yaşayış binasının fasad örtüyünün şüşə üzlükləri yuyularaq təmizlənmişdir.
Görülən işləri razılıq hissi ilə qarşılayan sakinlər son illər respublikamızda, eləcə də Naftalan şəhərində aparılan abadlıq və quruculuq işlərinə görə ölkə rəhbərliyinə minnətdarlıqlarını bildiriblər.
 |
 |
 |
.jpg) |
 |
