Naftalanda Azərbaycanın dahi şairi İmadəddin Nəsiminin 650 illik yubileyi münasibətilə 3000 ağac əkilib.

06 dekabr 2019 | 16:00

Azərbaycanın dahi şairi və mütəfəkkiri İmadəddin Nəsiminin 650 illik yubileyi münasibətilə Birinci vitse-prezident Mehriban xanım Əliyevanın bir gündə 650 min ağac əkilməsi təşəbbüsü ilə 06 dekabr 2019-cu il tarixdə respublikamızda, o cümlədən Naftalan şəhərində Şəhər İcra Hakimiyyətinin başçısı cənab Vüqar Novruzovun iştirakı ilə genişmiqyaslı ağacəkmə aksiyası keçirilib.
Şəhər sakinləri yaşıllıqların artmasına töhfə verəcək və ekoloji mühitin yaxşılaşdırılmasına yönəlmiş bu nəcib təşəbbüsə həvəslə qoşulublar.
Aksiya şəhərin Ş.Qurbanov, Z.Tağıyev, İ.Nəsimi küçələrində, Ş.Qurbanov küçəsi ilə Z.Tağıyev küçələrinin kəşisməsində, Şirvan prospektində və S.Vurğun parkında keçirilib. Milli ruhda musiqi nümunələrinin səsləndirildiyi aksiyada şəhərdə fəaliyyət göstərən idarə, müəssisə və xidmət təşkilatlarının kollektivləri tərəfindən, ümumilikdə 3000 ədəd eldar şamı, tuya və çinar ağacı əkilib. Əkilən ağaclar insanların sağlamlığına müsbət təsir göstərməklə yanaşı, kurort şəhəri Naftalanın ümumi mənzərəsinə yeni çalarlar əlavə edib.
Şəhər rəhbəri əkilən ağacların mühafizəsi və onlara mütəmadi qulluq göstərilməsi ilə bağlı tapşırıq və tövsiyələrini verib
Qeyd edək ki, Azərbaycan Respublikasının Prezidenti cənab İlham Əliyevin Sərəncamına əsasən böyük Azərbaycan şairi İmadəddin Nəsiminin 650 illik yubileyi ilə əlaqədar 2019-cu il “Nəsimi ili” elan olunub.

Keçidlər