“5 Oktyabr- Beynəlxalq müəllimlər günü” Naftalan şəhərində qeyd olundu
05 oktyabr 2018-ci il tarixdə Naftalan şəhərinin tam orta məktəblərində “5 Oktyabr- Beynəlxalq müəllimlər günü” münasibətilə tədbir keçirilib. Tədbirdə şəhər İcra Hakimiyyəti aparatının məsul işçiləri, müəllimlər, təhsil işçiləri və şagirdlər iştirak ediblər. Naftalan Şəhər İcra Hakimiyyətində ictimai- siyasi və humanitar məsələlər üzrə işin aparıcısı – baş məsləhətçi Afət Mustafayeva çıxış edərək təhsil işçilərinə peşə bayramı münasibətilə şəhər İcra Hakimiyyətinin Başçısı Rövşən İbrahimovun təbrikini çatdırmış, onlara yeni tədris ilində müvəffəqiyyətlər arzulamışdır.
Bayram münasibətilə qabaqcıl müəllimlərin bir qrupuna Naftalan şəhər Təhsil şöbəsi tərəfindən “Fəxri fərman”lar və diplomlar təqdim olundu.
Sonda şagirdlərin ifasında ədəbi-bədii kompozisiya nümayiş olundu.
