Naftalanda təmizlik aksiyası keçirilib
Naftalan Şəhər İcra Hakimiyyətinin təşkilatçılığı ilə şəhər Gənclər və İdman İdarəsi və YAP Naftalan şəhər təşkilatının birgə iştirakı ilə şəhərdə təmizlik aksiyası keçirilib.
Təmizlik aksiyasında gənclərlə yanaşı Naftalan Şəhər İcra Hakimiyyəti başçısı Vüqar Novruzov iştirak etmişdir.
Aksiya çərçivəsində turistlərin daha çox gəzdiyi Şirvan prospektində və digər ərazilərdə təmizlik işləri aparılıb. İməcilikdə ərazi çöp və irili-xırdalı tullantılardan təmizlənərək xüsusi zibil torbalarına yığılıb və əvvəlcədən ayrılmış nəqliyyat vasitələri ilə ərazidən daşınıb.
Sözügedən aksiyanın təşkilinin əsas məqsədi şəhər ərazisində təmizliyə riayət olunmasını təbliğ etmək, şəhərin müxtəlif məişət və digər tullantılarla zibillənməsinin qarşısını almaq, gəncləri ətraf mühitin mühafizəsi uğrunda mübarizəyə cəlb etmək və bununla bağlı əhali arasında məsuliyyət hissini daha da artırmaqla bərabər “Azərbaycan gəncliyi 2017-2021-ci illərdə Dövlət Proqramı”nın müvafiq bəndinin icrasını təmin etməkdən ibarətdir.
 |
 |
 |
 |
 |
 |
 |
