Ölkəmizdə aparılan islahatlar uğurla davam edir
Möhtərəm Prezidentimiz, Ali Baş komandanımız cənab İlham Əliyev əhalinin rifahı, firavan yaşaması, xoş gələcəyi üçün böyük işlər görür, məqsədyönlü siyasət həyata keçirir. Hətta bu çətin dönəmdə, koronavirus infeksiyasının qarşısının alınması və yoluxanların müalicəsi işlərini bilavasitə nəzarətdə saxlayır.
Öz davranışı və atdığı addımlarla böyük nümunələr sərgiləyir. İdarəçiliyə cəlb etdiyi insanlardan da tələbi əhali ilə normal rəftar etmələri, onlara həvalə edilən işləri vicdan və şərəflə yerinə yetirmələridir.
Bu gün əhalinin dövlət başçısından razılığı şübhəsizdir. Amma sirr deyil ki, bəzi məmurların yarıtmaz fəaliyyəti nəticəsində onlarla əhali arasında problem yaşanır. Bu da əhalinin narazılığına səbəb olur. Ona görə də son vaxtlar bununla bağlı ciddi tədbirlər həyata keçirilir.
Dünyanın pandemiya təhlükəsi qarşısında aciz qaldığı bir dönəmdə ölkəmizdə müşahidə olunan müsbət tendensiyaya və doğma Naftalanımızda koronavirusa qarşı aparılan işlərə, səliqə-səhmana, əmin-amanlığa görə ölkə başçımız cənab İlham Əliyevə öz ailəm adından, eləcə də bir şəhər ağsaqqalı kimi sonsuz məhəbbətimi və dərin minnətdarlığımı bildirirəm.
Naftalan şəhər sakini Camaləddin Yusifov
