Naftalanda “Narkotiklərlə Mübarizə Günü” ilə əlaqədar tədbir keçirilib
Tədbirdə “Naftalan şəhərində narkomanlığa və narkotik vasitələrin qanunsuz dövriyyəsinə qarşı mübarizə üzrə komissiya”nın üzvləri, vətəndaş cəmiyyəti institutlarının nümayəndələri iştirak ediblər.
Tədbirdə çıxış edən ŞİH başçısının müavini, komissiyanın sədri Arzu Məmmədov ölkəmizdə narkomaniya ilə mübarizə dövlətin prioritet sahələrindən olduğunu, narkomaniyanın insanların həyat və sağlamlığına, sosial-iqtisadi inkişafa mənfi təsirlərini vurğulayaraq, narkomaniyaya qarşı mübarizədə bütövlükdə cəmiyyətin bütün üzvləri birgə mübarizə aparmalı olduğunu diqqətə çatdırıb.
Şəhər Polis şöbəsinin əməkdaşı Baxış Həsənəliyev Naftalan şəhərində narkomaniya ilə mübarizə sahəsində görülmüş işlər barədə ətraflı məlumat verib. Narkotik vasitələrə qarşı mübarizənin gücləndiyini, bu sahəyə cavabdeh olan dövlət orqanlarının fəallığının artdığını qeyd edərək kompleks mübarizə tədbirlərinin tərkib hissəsi olaraq narkomaniya ilə mübarizə istiqamətində məktəblərdə və digər kollektivlərdə bu məqsədlə çoxsaylı tədbirlərin həyata keçirildiyini qeyd edib.
Çıxış edən digər natiqlər ümumbəşəri bəlaya, ailələrin faciəsinə çevrilmiş narkomaniyaya qarşı maarifləndirmə, təbliğat və profilaktika işlərinin daha səmərəli şəkildə aparılmasının vacibliyini vurğulayıblar.
